Hamas yarekuye Abanya-Israel 20, Imiryango ry'abanyapalestine ibuzwa kugira ibyo igaragaza

Abanya-Israel 20 bari barashimuswe na Hamas ku ya 7 Ukwakira (10)2023, barekuwe ku wa mbere, ku ya 13 Ukwakira (10) bashyikirizwa Croix-Rouge mbere yo gutaha iwabo muri Israel, nk’uko byatangajwe n’igisirikare cya Israel. Nimugihe imiryango y’Abanyapalestina itegereje ababo barekurwa na Israel l, bavuze ko babujijwe kugaragaza ibyishimo igihe baraba barekuwe.

Oct 13, 2025 - 12:54

Hamas yarekuye Abanya-Israel 20, Imiryango ry'abanyapalestine ibuzwa kugira ibyo igaragaza

Mu b'Israeli barekuwe harimo abagabo b'impanga Ziv na Gali Berman, bafotowe basuhuzanya bishimye nyuma yo gushyikirizwa Croix-Rouge muri Gaza.

Igisirikare cya Israel cyemeje ko icyiciro cya kabiri cy’abantu 13 cy'abari barafashwe bunyago cyashyikirijwe Croix-Rouge, gikomereza ku bigo by’ingabo za Israel muri Gaza mbere yo gusubizwa mu gihugu. Mbere yaho, Hamas yari yamaze kurekura abandi barindwi.

Hamas ivuga ko izatanga imibiri y’Abanya-Israel 28 bapfuye nyuma.

Mu gihe ibyo byabaga, ku rubuga rwa Hostages Square i Tel Aviv, hari hateraniye abaturage benshi bazindutse baza kwishimira no kwakira aba barekuwe. Aha hantu niho imiryango yari ifite ababo bashimuswe bahuriraba bigaragambya basaba ko barekurwa.

Na ho mu mujyi wa Ramallah muri West Bank, Abanya-Palestine bari bategereje ababo barekurwa na Israel. Muri abo, 250 barekuwe, abandi barenga 1,700 baracyqfungiye muri Gaza. Ariko Israel yanze ko haba ibirori cyangwa kugaragaza amabendera ya Hamas nk’uko byigeze kuba mbere.

Amakuru dukesha BBC avuga ko yatangaje ko abari bategereje i Ramallah babujijwe gutwara indabo cyangwa amabendera bishimira irekurwa ry'ababo, bategekwa gutegerereza mu nzu mbera byombi.

Imiryango yo muri Palestine ivuga ko uburyo amasezerano y’amahoro yihuse byatumye umubare w’abagombaga kurekurwa ugenda uhinduka.